Оваа година игротеката FUN PARK беше домаќин на најголемата хуманитарна забава под името „И јас сум дедо Мраз 2018“. Организиран од здружението Проект Среќа овој донаторски проект ги израдува сите оние деца на кои им е најпотребно, а кон тоа се приклучија и сите големи срца кои изминатите денови ги подготвија и донираа своите новогодишни подароци.
Игротеката FUN PARK и Park Hotel & Spa како и досега, се поддржувачи на голем број на хуманитарни настани и проекти а особено на оние коишто носат насмевки и среќа на детските лица.
Забавата беше одржана на 17.12.2018 во игротеката FUN PARK на која присуствува приближно 50 дечиња кои уживаа во три часовна непрекината забава. Дечињата ги посети и Дедо Мраз кој за новата година им подари подароци и им посака добро здравје, многу љубов и исполнување на сите желби за кои си мечтаат секоја ноќ.
*Маркетинг текст