Владиката Петар објави крај на 16 годишниот судски спор што се водеше за имотот на црквата „Св.Петка“ во Австралија, која сега е под управа на МПЦ. Претседателот на Здружението на македонските заедници во Австралија, Игор Аврамовски демантира.
Македонската православна црква-МПЦ го доби и со тоа заврши 16-годишниот судски спор што го водеше пред австралиските судови, а во врска со имотот на црквата „Св. Петка“ во Австралија.
Ова го објави на денешната прес-конференција во Битола митрополитот преспанско-пелагониски и администратор австралиско-новозеландски г. Петар истакнувајќи дека Врховниот Суд на Нов Јужен Велс донел одлука со која е завршено судењето во врска со имотот на црквата „Св.Петка“ првично регистриран како имот на МПЦ, а подоцна без знаење и без одобрение на црковните власти бил пререгистриран од инкорпорирана компанија, односно Асоцијацијата македонска православна заедница црква „Св.Петка“.
>>НОВА дојде до одлуката на Врховниот Суд на Нов Јужен Велс
Спротивно на тврдењата на владиката Петар, претседателот на Здружението на македонските заедници во Австралија, Игор Аврамовски Александров за НОВА вели:
„Имотот ниту бил некогаш регистриран како имот на МПЦ, ниту пак сега ќе биде, бидејќи МПЦ не е правно лице во Австралија. Петар изгиби по точката за законска сопственост врз имотот. Законски сопственик останува Асоцијацијата“, објаснува Аврамовски.
Според него владиката Петар добил само по точките во врска со разрешувањето на свештеникот и по неговото право да ограничува кој може да биде член на Асоцијацијата, врз основа на некои наводни црковсни правила, кои важат само за неговара Епархија.
Аврамовски најави жалба пред Врховниот суд на Австралија.
Од Здружението на македонските поравославни заедници прашуваат дали Синодот на МПЦ – ОА ќе дозволи дополнителни стотици илјади долари да се трошат пред Врховниот суд на Австралија или конечно ќе назначи надлежен митрополит на местото на администраторот Г.Петар.