Оваа акција беше организирана на денот на кој се одржуваше парламентарната дебата за буџетот за 2014 година. Пет лица беа уапсени.
Нередите се случија во моментот кога полицијата се одлучи да ја урне импровизирана барикада направена од канти за ѓубре и ланецот на манифестанти за да ги евакуираат пратениците од парламентот.
.jpg)
Вчерашниот ден беше уште една алка во ланецот на кампањата која бара оставка на владата на Орешански и неговото хетероклитно мнозинство кое го води Социјалистичката партија на Бугарија (БСП) а тука се и партијата на Турците ДПС и националистите од Атака.
Спонтаното собирање почна на 14 јуни, на денот кога медиумскиот бизнисмен Делван Пеевски беше именуван на чело на разузнавачката служба. Во неделите што следеа кампањата ги доби класичните карактеристики на «револуција во боја» поради бројните промени во тактиката од страна на манифестантите како малтретирање на министри, окупација на Универзитетот во Софија, хепенинзи итн.
.jpg)
Протестот и понатаму останува лимитиран на Софија но тој сепак успеа да ја монополизира политичката дебата и да ги стави институциите под притисок. Организаторите велат дека нов ден на мобилизација ќе има на 17 ноември.