Лидерот на ВМРО-Народна партија, Љубчо Георгиевски од Делчево, каде што денеска беше на средба со граѓаните, посочи дека ги истражуваат ветените 10.000 проекти од владејачката партија низ цела Источна Македонија, а единствено што откриле е неколку закрпени „дупки“ на патиштата.
– Ова е убава можност од цела Источна Македонија да се свртат и да видат што има оваа влада направено за нив. Во Делчево граѓаните пред 10 години имаа поголема плата и одеа на шопинг во Благоевград, а сега е обратно. Македонија заедно со Албанија и Молдавија е на последно место по висина на платите. За проектот „Купи куќа, купи стан“, повеќе пари се дадени за реклами, отколку на име кредити. За проектот „Охрабри се“ ситуацијата е иста. Вакви примери има многу. Ние како партија сме блокирани од медиумите кои се под нивна контрола, па затоа директно со граѓаните контактираме, а посебно сум им благодарен на тие телевизиски куќи кои имаат храброст да не пренесуваат – изјави Георгиевски.
.jpg)
