“Ние не сме слепи , имаме довoлно искуство” вели шефот на набљудувачката мисија на ОБСЕ Герд Аренс за НОВА одговарајќи на прашањето за шпекулациите околу притисоците кои се вршат врз гласачите и злоупотребите на администрацијата.
НОВА Каков изборен процес ќе имаме со оглед на полтичките и меѓуетничките тензии?
Герд Аренс На почетокот беше покомплицирано, бидејќи во првата недела од оваа мисија требаше да се подготвиме за изборите под услови за време на бојкотот од најважната опозициска партија. И тоа значи одредени законски барања, да речеме на пример периодот на молк, и бидејќи опозициската партија изјавија дека ќе спроведат активен бојкот…ова беше решено со разбирање, и сега ова се избори кои ќе бидат спроведени под нормални околности.
– Постојат некои од старите проблеми кои ќе треба да ги надгледуваме, нема да се изјаснам за политичката ситуација во оваа земја, сега не е ни моментот, тоа не е ни во нашиот мандат, бидејќи треба да видеме дали изборите се спроведени под услови кои одговараат на ОБСЕ и меѓународните стандарди, и македонската легислатива.
НОВА Дали се имплементирани стандардите на ОБСЕ?
Герд Аренс Некои се разгледани и ставени во изборниот законик, некои не. И има неколку примери каде што сигурно ќе инсистираме и ќе ги повторуваме овие препораки. На пример делот од изборниот кодекс во член број 38 или не знам точно кој број, кој вели дека Државната комисија постапува по поплака од некое избирачко место, само доколку има две жалби од истото избирачко место за иста работа. Ова е нешто што ние не го подразбираме како усогласност со стандардите на ОБСЕ. Една жалба би требало да биде доволна.
НОВА Дали мисијата на ОБСЕ ќе обрне внимание на информациите за пристисоците врз гласачите и злоупотребата на државната администрција?
Герд Аранс Тоа е една од главните точки кои треба да ги надгледуваме. И колку далеку ова ќе оди јас не можам да предвидувам. Во нашите разговори со политичарите ние прашувавме за ситуацијата и пробувавме да дознаеме како се одвиваат работите и ние во извештајот ќе го наведеме она што сме можеле да го утврдиме. Проблемот е што тоа што ние не смееме да ги прераскажуваме шпекулациите, мора да имаме докази, а да се дојде до нив не е лесно. Ова е всушност проблемот кој надгледувачката мисија го има, ние имаме доста искуство, и јас самиот сум надгледувал избори во различни земји, така што ние не сме слепи. Но, треба да бидеме коректни и да надгледуваме внимателно.