Германската канцеларка Ангела Меркел изјави дека на Германија и се потребни квалификувани работници од странство за да го реши проблемот со дефицитарна работна сила, која се заканува да ја загрози конкурентноста на државата.
Меркел, во неделното обраќање преку интернет, порача дека имигрантите би требало да доаѓаат од другите европски држави.
Германија се најде на удар на критиките дека ја искористува високата стапка на невработеност во другите членки на Европската унија за да им ги приграби квалификуваните работници.
Неодамна воведениот систем „Сина карта“, кој го олеснува вработувањето на високообразовани работници од државите вон ЕУ, се соочи со ограничен успех, па така минатата година помалку од 2.600 лица од државите кои не се членки на ЕУ влегоа во Германија преку овој систем.
Според проценките на експертите, на Германија секоја година и се потребни десетици илјади квалификувани инженери, доктори и негуватели, поради се постарата популација.