Глобата за ваквиот вид прекршок за правните лица се движи од 500 до 1.000 евра во денарска противвредност (член 8 од Законот за прекршоци против јавниот ред и мир ) и од 200 до 500 евра за нивните одговорни лица.
Секторот за внатрешни работи Тетово денеска повторно апелираше до сопствениците на кафулиња, дискотеки и други угостителски објекти да внимаваат на јачината на музиката што ја пуштаат во нивните локали или ја свират музичките групи.
– Глобата за ваквиот вид прекршок за правните лица се движи од 500 до 1.000 евра во денарска противвредност ( член 8 од Законот за прекршоци против јавниот ред и мир ) и од 200 до 500 евра за нивните одговорни лица. Исто така, угостителите да не дозволуваат престојување на малолетници во објектите по 24 часот ( член 21 од ЗППЈРМ), ниту да ги послужуваат со алкохолни пијалаци, бидејќи во тој случај ги очекуваат поднесоци и парични глоби. За послужување алкохол на малолетници,пак, угостителите можат да бидат и кривично гонети, потсетуваат од СВР Тетово.
Оттаму додаваат дека со затоплувањето на времето, покрај другото, во поширокиот Полошки регион, присутна е зголемена раздвиженост по патиштата и во угостителските објекти и, пред се, во кафулињата и во дискотеките, посебно во вечерните часови.
Од СВР Тетово велат дека значително ги интензивирале контролите во угостителските објекти и сите прекршоци кои се откриваат во нив соодветно се санкционираат.