Нивото на реката Сена во Париз минатата ноќ забележа драстичен раст, достигнувајќи речиси шест метри, по што почна бавно да се намалува. Поради напливот на Сена седум станици на париското метро на една од најпрометните линии ќе останат затворени најмалку до 5 февруари.
Вчера и Музејот Лувр беше затворен за посетители, а парижаните беа предупредени да не се доближуваат до од Сена затоа што нејзиниот водостој постојано расте.
Реката ги поплави околните патишта и предизвика прекин во градскиот јавен превоз, пишуваат медиумите.
Нивото на реката Сена е четири пати поголемо од вообичаеното.
Прекинат е и целиот речен сообраќај бидејќи бродовите не можат да поминат под мостовите, а граѓаните кои живеат на бродови се предупредени на голема опасност што ја носи надојдената река.
Парижаните се предупредуваат на голем број стаорци кои шетаат по улиците на Париз откако водата ги поплави подземните простории на зградите.
Оваа поплава се очекува да направи штети за 17 милијарди евра.
Повисоко ниво на водата во Сена имала во јуни 2016 година кога достигнала 6,1 метри и во 1910 година кога водата се искачила до 8,62 метри, што претставува досега највисоко измерено ниво.
