Доста ни е од барок, оставете го ГТЦ на мира; Нели ви е доста, нели ви помина меракот; Не го уништувајте и последниот спомен од градот на мојата младост- со ваква и слична содржина граѓаните вечерва оставаа пораки во кутии наменети за оние кои сакаат да ја променат фасадата на владата. Една од кутиите ќе им биде доставена на архитеките кои учествуваат во намерите да се промени изгледот на Градскиот трговски центар, а другата кутија ќе им биде предадена на надлежните од управата на ГТЦ за да можат да прочитаат што мислат скопјани за идејата ГТЦ да премине во барок.
-Очекуваме граѓаните да кажат што мислат, овие пораки ќе се собираат уште неколку дена, а после ќе бидат доставени до сите за кои се наменети. Мојата главна порака и моето мото со кое сум во акција е дека кај нас тече барок, меѓутоа ГТЦ треба да остане градски, тоа е дел од нашиот идентитет, не само на Скопјани, тука сите доаѓаат. Ние сме идентитески поврзани со отворен простор со кој имаме интеракција, ова е модерна чаршија, правен е така, да не се примети дека нешто има, се приметува само внатре кога ќе се најдете, дека сте во нешто, вели Никола Писарев, историчар на уметност.
Акцијата за одбрана на ГТЦ во организација на Македонската асоцијација на архитекти започна минатата недела кога со жив ѕид околу трговскиот центар над илјада граѓани фатени за раце порачаа дека нема да дозволат ГТЦ да биде претворен во барокна зграда.