Грција го објави конечниот состав на својот нов Парламент кој е составен од 300 пратеници.
Сириза доби 149 места и за само две места не успеа да добие апсолутно мнозинство за да формира влада.
Министерството за внатрешни работа на Грција го објави конечниот состав додека лидерот на Сириза беше именуван за премиер.
“Секогаш ќе и служам на Грција и на интересите на грчкиот народ”, изјави тој облечен во син костим но, по обичај, без вратоврска.
Сириза доби 36,34 проценти и 146 места.
Неа Демократија на Андонис Самарас освои 27,81 отсто со 75 места.
Партијата на Независните Грци, десна сувернистичка партија која влезе во коалиција за влада со Сириза, освои 4,75 отсто гласови и 13 пратеници.
Новите партнери заедно имаат 162 пратеници во новиот Парламент.
Третата партија, неоцистичката Златна зора, освои 6,28 отсто и 17 пратеници што е за еден помалку отколку на изборите во 2012 година.
Центар левата партија То Потеми на чие чело стои еден познат новинар доби 6.05 отсто и 17 пратеници.
Комунистите од ККЕ се петти со 5,47 отсто и 15 пратеници.
Потоа следи Пасок со 4.68 отсто и 13 пратеници. Распадот на Пасок влијаеше ма овој лош резултат. За прв пат во 80 години нема да има човек со име Папандреу во грчкиот парламент.
Според Министерството за внатрешни работи гласале 9.911.495 запишани и 63,87 отсто од влупниот број гласачи.
Партијата на Независните Грци одлучи да влезе во коалиција иако нејзината идеологија е десничарска. Таа се залага за националистички ставови и е силно против мерките за штедење. Лидерот на оваа партија изјави дека заедно со Сириза ќе се бори за да се стави крај на овие мерки.
Оваа партија е формирана во 2011 година од Панос Каменос, дисидент на Неа Демократија. На претходните избори партијата за прв пат влезе во Парламентот со 20 пратеници.