Грчките власти од денеска испраќаат известувања за зголемениот данок на луксуз, а се очекувањат од оваа давачка државата да собере околу 130 милиони евра.
Како што јави дописникот на МИА од Атина, сопствениците на автомобили со мотори со зафатнина од 1.929 кубни метри или повеќе, како и на базени, едрилици, хеликоптери или авиони, се меѓу оние кои ќе мора да го плаќаат овој дополнителен данок.
Данокот на луксуз првпат беше воведен во 2011 година како еднократен, но од тогаш тој е двојно зголемен и веќе е извесно дека ќе остане како постојана давачка во даночниот законик на земјата.