Новинарите во приватните и државните медиуми во Грција стапија во 24- часовен штрајк во знак на солидарност со утрешниот генерален штрајк организиран од двата најголеми синдикати во земјата, јавува Радио Слободна Европа на македонски.
Претходно, новинарите и соопштија на јавноста дека имаат намера да информираат за генералниот штрајк и заради тоа ќе штрајкуваат претходниот ден.
Владата, односно портпаролот Симос Кедикоглу излезе со осуда за новинарскиот штрајк со обрзаложение дека вината е во партијата Сириза, која сака да создаде информативен мрак и тоа за време на посетата на францускиот претседател Франсоа Оланд на Атина.