Претседателскиот кандидат на Граѓанска опција за Македонија, проф. д-р Зоран Поповски, и лидерот на ГРОМ, Стевчо Јакимовски, вечерва во централниот штаб на партијата одржаа конференција за печат по повод првичните резултати од првиот круг на претседателските избори.
– Очигледно не е надмината црно-белата обоеност на македонската политичка сцена, но, како и да е, мора да се почитува волјата на граѓаните. Јас сакам да им се ззаблагодарам на оние граѓани кои се охрабрија и го дадоа својот глас за мојата кандидатура и за понудата на Граѓанската опција за Македонија. Очигледно е дека ГРОМ станува играч на политичката сцена во Македонија и, се разбира, продолжуваме понатаму – рече претседателскиот кандидат на ГРОМ, Поповски.
Првичните резултати од претседателските избори ги коментираше и претседателот на Граѓанската опција за Македонија, Јакимовски, кој изрази незадоволство во поглед на бројот на неважечките гласачки ливчиња на одредени гласачки места.
– Сакам да им заблагодарам на сите оние граѓани кои гласаа за коалицијата ГРОМ, очигледно тие ќе бројат околу 30.000 во оваа изборна кампања. На кандидатот што води, сакам да му честитам за водството и, главно, сакам да честитам за водењето на кампањата досега. Она што фрла негативна дамка на оваа кампања еголемиот број на неважечки гласачки личиња, што е навистина несвојствено и чудно зашто се работи само за едно ливче и за само четири кандидати, па е симптоматично да има толкав број неважечки ливчиња.
Според нашите сознанија од терен, најголемиот дел, 70 проценти, од тие неважечки ливчиња, се заокружени за кандидатот Поповски или Иванов. На пример, во Злетово, на избирачкото место 1566, од 22 неважечки ливчиња, на 16 се заокружени Поповски и Иванов. На избирачкото место 1566/1, од 15 неважечки ливчиња, дури на 13 е заокружено за Поповски или Иванов, а на избирачкото место 1565, од 26 неважечки ливчиња, 22 се за Поповски и Иванов.
Ова фрла сомнеж дека се работи за тоа што Граѓанската опција за Македонија нема членови во избирачките одбори на овие избирачки места, туку само набљудувачи – рече Јакимовски во својата изјава за медиумите.