Премиерот Никола Груевски му се извини на Тачко Локвенец, татко на кандидатот за градоначалник на Прилеп на здружената опозиција, Хари Локвенец, заради изјавата дадена на митингот во Прилеп, дека „ниту тој како татко на Хари Локвенец не му дава подршка во кандидатурата за градоначалник на Прилеп на опозицијата“.
Во соопштението на премиетот до јавноста меѓу другото се вели: „Во врска со изјавата на господинот Тачко Локвенец, би сакал да истакнам дека на митингот на ВМРО-ДПМНЕ во Прилеп немав никаква намера да повредам нечии чувства, особено не на господинот Тачко Локвенец.
Останува фактот дека г-дин Тачко Локвенец, во весникот кој самиот тој го уредува на насловната страна, , се има најпозитивно изјаснето за градоначалникот Марјан Ристевски, објавувајќи го насловот “Марјан Ристевски градоначалник посветен за европски Прилеп”.
Надоврзувајќи се на овој факт, во мојот говор употребив хумор без никаква интенција да предизвикам повреда на нечии чувства, но доколку г-дин Тачко Локвенец се нашол повреден од тоа му се извинувам за нанесената болка. “.
Овој потег на премиерот доаѓа по барањето на Тачко Локвенец за негово јавно извинување.