Пред зградата на општина Ќустендил, каде се одржува заедничката седница на македонската и бугарската Влада, протест одржува мала група од 10-тина припадници на партијата ВМРО на Красимир Каракачанов.
Поддржувачите на Каракачанов со транспаренти скандирале антимакедонски пароли.
„И претходно и сега, Македонија е бугарска”, извикувале националистите. Иако собраните биле едвај петнаесетина на број, биле доволно гласни во моментот кога бугарскиот премиер Орешарски и неговите министри ги пречекувале гостите од Македонија.
Инаку, во Ќустендил се одржува неформална заедничка мини-владина седница меѓу Македонија и на Бугарија. Теми на разговор се евроатлантските интеграции, економијата, енергетиката, можноста за инфраструктурни проекти и за теми од областа на земјоделството.