Никола Груевски пред малку даде долго интервју на Сител во кое вели дека институциите се подгтовени да дејствуваат разумно и мудро.
На прашањето дали членовите на ВМРО-ДПМНЕ бараат владата да реагира посериозно на протестите Груевски рече дека постојано добива пораки кои прашуваат зошто не се организира револт и зошто тие да не се самоогранизираат.
“Тоа не треба да се прави, треба да се биде смирен, мудар, разумен”, вели Груевски додавајќи дека не треба да се влегува во сценариото на Зоран Заев кој сака насилнички да ја освои власта и на тој начин да ги испере сите незаконски работи што ги прави, вели Груевски.
Според Груевски, сценариото на оваа криза мора да биде разрешница со транспарентна постапа и преку дијалог во парламентот. “Тоа така мора да заврши”, вели Груевски.
Судската постапка мора да расчисти се, како се дошло до тие материјали: “Јас тоа го знам но тоа треба да го препознаат сите и институциите и јавноста”, вели Груевски кој додава дека треба да се расчисти со обвинувањата и да се знае кој направил грешка спротивна на законот.
Според Груевски, Заев е фокусиран на насилно преземање на власта. Во интервјуто тој ги повтори петте точки околу кои треба да се обединат и власта и опозицијата и како што тој тоа го рече на конгресот на ВМРО-ДПМНЕ во Куманово во саботата.
Но Груевски смета дека СДСМ не е заинтересиран за економија и инвестиции кој го лаже народот со монтажи и лепења: “Таму има класични лаги и манипулации во тие снимки”, вели Груевски. Граѓаните, според него, треба да имаат трпение и само така ќе видат што се случувало и како се играло со чувствата на граѓаните. Играње со чувствата, како што вели Груевски, ќе има и во снимките за случајот Монструм, името или смртта на Никола Младенов. Некои граѓани можеби ќе поверуваат во сето тоа но, вели Груевски, тоа не чесно и тоа нема да успее.