Комесарот Јоханес Хан му се јавил на лидерот на опозицијата Зоран Заев за да ја разјаснат ситуацијата по изјавата на опозиционерот дека одбива да учествува на средбата со комесарот и Никола Груевски во среда во Брисел.
Комесарот повторува дека тој целосно и неотповикливо ги поддржува заклучоците на ОБСЕ-ОДИХР за минтогодишните избори:
“Комесарот го повтори заклучокот на ОБСЕ-ОДИХР дека изборите биле ефикасно спроведени но дека имало голем број сериозни недостатоци, особено недоволно одвојување помеѓу партијата и државните активности, наводното заплашување на гласачите и пристрасноста на медиумите во корист на владеачките партии. Европската комисија исто така редовно искажуваше загриженост поради точноста на избирачкиот список. Сите овие прашања мораат итно да се решаваат во согласност со препораките на ОБСЕ-ОДИХР и Венецијанската комисија.
Освен тоа, Европската комисија во повеќе наврати повтори дека е потребна истрага за сите потенцијални злоупотреби кои произлегуваат од снимките вклучително и тие за изборни неправилности.
Комесарот побара од сите партиски лидери за да ги почитуваат ветувањата дадени на 2 јуни за да се надмине оваа криза и за да се продолжат разговорите за да се најде брз и траен договор кој мора да ги решава сите проблеми околу владеењето на правото и за да се врати довербата на јавност во државните институции. Ова е во интерес на граѓаните на земјата”, вели Хан во своето соопштение по разговорот со Заев.
Заев попладнево изјави дека одбива да оди на преговорите вио Брисел со ВМРО-ДПМНЕ откако беше обајвена изјавата на комесарот Хан од Вашингтон во која тој вели дека изборите од 2014 година биле “позитивни”.