“Постигнавме договор со политичките партии и треба тој договор за се примени на фер и директен начин до крајот на април”, изјави денес во Брисел комесарот Хан на конференцијата посветена на слободата на медиумите СпикАп.
Целиот овој преговарачки процес треба да донесе фер и слободни и демократски избори.
Хан порача дека доколку се применат сите точки од договорот од Пржино, дури тогаш би се одржале избори. Тие избори, во април 2016 година, ќе бидат мониторирани од огромен број набљудувачи од сите меѓународни организации и институции како ОДИХР, Советот на Европа, Европската комисија или Европскиот парламент.
Хан побара исто така од медиумите и невладините организации да придонесат за остварување на договореното во Пржино.