Се ближи денот на доделувањето на Нобеловата награда за литаратура во октомври а облозите за тоа која ќе ја добие веќе започнаа. Според британскиот Ладброк оваа година тоа треба да биде Јапонецот Харуки Мураками, автор на повеќе бестселери а по него следат Џојс Карол Уатс, Унгарецот Петер Надаш, јужнокореецот Ко Ун и Алисе Монро, автор на куси раскази од Канада. Фаворит е и сирискиот поет Адонис.
Ова не е прв пат Мураками да биде фаворитот на обложувачите за Нобеловата награда но досега не успеал да стаса до престижната награда. Веќе 10 години тој се наоѓа на овие листи. Неговите романи се редовно бестселери уште од “Норвешката шума” во 1980 година а поновите успеси тука се тритомниот “1Q84” и “Кафка на брегот”. Изданието на англиски на најновиот роман “Безбојниот Цукуру Тазаки и неговите години на аџилак” треба да биде издадено во 2014 година.
Според британскиот Гардиан админстрацијата на Нобеловата награда во голема тајност ги чува имињата на оние се кандидати. Сепак, еден интригантен твит се појави во мај: “5 кандидати се селекционирани за 2013 Нобелова награда за литература според постојаниот секретар на Шведската академија”. Твитот, вели Гардијан, предизвика бран на шпекулации за тоа дали добитникот е американски автор како Филип Рот или Дон ДеЛило.
Нобеловата награда за литература се доделува во октомври според желбата на Алфред Нобел но прецизниот датум се објавува во последната минута. Сајтот на Нобеловата награда напиша, оваа среда, дека до даумот остануваат најмалку 29 дена. Нобеловецот добива награда од речиси милион евра. Од 1901 година 109 писатели се лауреати а од нив 12 биле жени.