Судот за воени злосторства во поранешна Југославија соопшти дека судскиот совет донел одлука да го прифати барањето на одбраната, Јохан Тарчуловски да биде помилуван.
Тарчуловски ќе биде пуштен на слобода по завршување на административната постапка, јави Балканската истражувачка мрежа.
Како што предходно најави адвокатот Антонио Апостолски, барањето за помилување на Тарчуловски се темели на неговото добро однесување во затворот.
Тарчуловски беше во германиот затвор Диаз речиси осум години, со што отслужи две третини од 12 годишната затворска казна.
Tој и формално стекна услов за предвремено ослободување.
Тарчуловски беше осуден за воени злосторства извршени за време на конфликт во Македонија во 2001 година.
Тој беше прогласен за виновен за водење на полициската единица која уби група цивили, етнички Албанци и изврши други злосторства во село Љуботен, Скопско.
Судот го ослободи претпоставениот на Тарчуловски, поранешниот министер за внатрешни работи, Љубе Бошковски, кој беше обвинет за командна одговорност.
Иако Тарчуловски беше осуден за воени злосторства, дел од граѓаните во Македонија го гледаат како национален херој.