Амбасадата на Кралството Холандија со силна осуда за саботниот напад на ЛГБТИ Центарот во Скопје, проект кој е финансиски и морално поддржан од Амбасадата.
– Ги повикуваме властите да ги осудат сите дела на насилство кои ја доведуваат во опасност безбедноста и сигурноста на граѓаните. Амбасадата воедно ги охрабрува властите да спроведат детална истрага и да ги изведат извршителите на ова дело пред лицето на правдата, како и да направат сé што е во нивна моќ да го заштитат имотот и безбедноста на граѓаните без оглед на нивниот социјален статус или убедување“, се вели во писмената реакција на холандската амбасада во Скопје.
Остра осуда убати и ЛГБТ заедницата и го повика МВР најитно да ги открие и уапси вандалите. Во соопштението се вели:
-Најостро го осудуваме насилството од омраза пред споменикот на „Воинот на коњ“, хулиганското дивеење и демолирањето на ЛГБТ центарот во „Стара Чаршија“ (додека се одржуваше проекција и трибина за правата на транс лицата), и говорот на омраза кој поттикнува на насилство и дискриминација.
Бараме од МВР најитно да ги открие и уапси сторителите на кривични дела кои претепаа лице во центарот на Скопје, кои повторно го демолираа ЛГБТ центарот во „Стара Чаршија, кои нападнаа и повредија полицаец во вршење на службена должност, и кои ширеа и продолжија да шират закани и говор на омраза кој поттикнува на насилство и дискриминација врз основа на сексуална ориентација и родов идентитет.
Тие најостро ги осудија насилствата од омраза пред споменикот на Воин на коњ, хулиганското дивеење и демолирањето на ЛГБТ центарот во Стара Чаршија и говорот на омраза кој поттикнува на насилство и дискриминација.