Холандското обвинителство нема да го гони пензионираниот генерал, кој командуваше со холандските мировници во Сребреница, каде силите на Армијата на РС убија околу 8.000 Бошњаци.
Роднините на три жртви на геноцидот во Сребреница, побараа од Обвинителството генералот Том Кареманс да биде кривично гонет за кривична одговорност за смртта на овие луѓе.
Обвинителството, сепак оцени дека Кареманс и уште двајца други холандски официри “не може да бидат одговорни за учество во злосторствата кои биле извршени во јули 1995 година во Сребреница, од страна на силите на босанските Срби.”
Во одделен случај, Апелациониот суд во Хаг на 5 јули 2011 година. година, за тужбата на роднините на убиените Бошњаци, одлучи дека холандската држава е одговорна за нивната смрт за време на масакрот во Сребреница во 1995 година.
Апелациониот суд рече дека холандскиот баталјон во мировните сили на ОН, чија работа беше да се заштити Сребреница “, не требало да ги предаде тие луѓе на Србите.”
Судот и нареди на Холандија да им исплати оштета на роднините на жртвите од Сребреница.