Потоа, по случаен избор, со помош на компјутерски управуван генератор во лотариска постапка, од сите регистрации ќе се извлечат оние на кои ќе им се додели термин за месец март 2022 година, напиша Холштајн на Фејсбук.
Германската амбасадорка во земјава, Анке Холштајн, објави на Фејсбук дека од февруари Амбасадата ќе го подобри системот за доделување термини за визи за Западен Балкан.
– Поради Вашите многубројни реакции и сè уште многу големиот интерес за термини за поднесување на барање за виза, од февруари 2022 година секој месец ќе се применува постапка на лотарија. За таа намена, во февруари за првпат ќе се отвори нов список за регистрирање, кој ќе биде непрекинато отворен за подолг период (најверојатно за околу две недели). Потоа, по случаен избор, со помош на компјутерски управуван генератор во лотариска постапка, од сите регистрации ќе се извлечат оние на кои ќе им се додели термин за месец март 2022 година, напиша Холштајн на Фејсбук.
Поопширни информации можат да се најдат на веб-страницата https://skopje.diplo.de/mk-mk/-/2493044.