Белградската полиција уапси маж пред Народното собрание во среда под сомнение дека ранил друг маж со огнено оружје. Ранетиот е однесен во болница, јавуваат српските медиуми.
Потоа избувнал пожар во еден од шаторите на платото пред парламентот, каде што од март престојуваат студентите поддржувачи на владата. Пожарникарите го гаснат пожарот, а полицијата е распоредена и околу импровизираната шаторска населба.
Српскиот претседател Александар Вучиќ, изјави дека пред српското Собрание се случил „терористички чин“ кога поддржувач на протестите протв власта „пукаше во невин човек“.
Зборувам како прв и се извинувам што ќе морам да го напуштам овој прекрасен собир. Причината е терористичкиот чин што се случи пред српската Скупштина, па ќе морам да се занимавам со други работи, рече Вучиќ.
Ранетот лице има сериозни физички повреди. Куршумот поминал низ него и повредил крвен сад во десната препона, создавајќи хематом. Тој е свесен, но ќе оди во операциона сала, се појаснува во медиумските извесувања.