Хрватската радио и телевизија, како организатор на конкурсот за избор на хрватскиот претставник за Евровизија, одлучи да го прескокне учеството на следната Евровизија, и со тоа Хрватска во 2014 година нема да биде претставена на овој настан.
Од ХРТ велат: “Како јавен сервис, ХРТ е особено свесен за фактот дека средствата треба да се трошат на што поефективен начин. ХРТ ја има во предвид тешката економска ситуација и ги зема предвид јавните критики на финансиската оправданост за настапот.
Имајќи во предвид дека оваа одлука од страна на дел од нашите гледачи не може да се сретне со одобрување, ХРТ во светлина на послабиот пласман на хрватските натпреварувачи на Евровизија минатата година, одлучи да земе пауза од шоуто, се вели во соопштението на ХРТ.