На вчерашното тајно гласање на Главниот одбор на владејачката хрватска СДП екс-министерот за финансии Славко Линиќ е исклучен од партијата со само три гласови разлика- 50 членови за негово исфрлање, 47 против, а 1 воздржан.
Лидерот на партијата и премиер на Хрватска Зоран Милановиќ изјави: „Жалам што со оваа работа ги тероризиравме граѓаните. Сега со уште поголема сериозност ќе се посветиме на решавање на државните прашања“.
По состанокот Линиќ изјави дека останува со СДП и покрај фактот што не е член на партијата:
-Жал ми е, но ја почитувам одлуката на Главниот одбор, а глупостите на Зоран Милановиќ дека формирам нова партија се само глупости.
Поранешниот министер за финансии Линиќ ги повтори обвинувањата дека Милановиќ, од позиција на премиер, ја злоупотребил полицијата за политички да се пресмета со него, додека самиот Миловановиќ пак изјави дека целата акција на Линиќ било блатење на СДП.