Група од шест пилоти на хрватската армија заминаа во Франција на обука за летање со борбени авиони „Рафал“, која ќе ја завршат во мај следната година, пишува Вечерњи лист.
Нивното заминување го означува почетокот на завршната фаза од големиот француско-хрватски воен договор, најголемата поединечна воена инвестиција на Хрватска во историјата, купувањето на борбената ескадрила „Рафал Ф3-Р“, вредна 1,2 милијарди евра.
Набргу по првата група пилоти, ќе замине нова група од шест пилоти, разликата е во тоа што првата група вклучува веќе искусни борбени пилоти кои летале на МИГ -21, а втората група ја сочинуваат помлади пилоти кои ја завршиле обуката на школскиот авион „Пилатус ПЦ-9“.
Во текот на оваа година обука ќе поминат и техничари и инженери на хрватското воено воздухопловство.