Фото: Актерката Амернис Нокшиќи и бизнисменката Сузана Монева
Модна ревија со наслов “Есма Хепенинг”, синоќа се одржа во хотелот Континентал во Скопје, каде 90 дами од различни општествени сфери- претставнички од локалната самоуправа, амбасадите, министерствата, бизнис секторот, пејачки, актерки, водителки, новинарки и пријателки, се појавија во улога на уметницата Есма Реџепова, носејќи ги нејзините фустани.
Есма Реџепова заедно со својата менаџерка Зорана Костовска и хуманитарното здружение Теодосиевски го организираа овој хепенинг- ревијата беше проследена со наративно потсетување за секоја приказна од фустаните, како оние што ги добила на подарок од Индира Ганди, Ричард Бартон и многу други.
Средствата од продадените карти ќе се донираат на семејството Ќазим за докомплетирање на нивниот дом.
