Четириесет проценти од Британците сакаат да ја напуштат ЕУ, покажуваат резултатите од истражување на јавното мислење во Велика Британија, само еден ден по ветениот референдум за членството на земјата во ЕУ.
Лидерот на највлијателната опозициска партија во Австрија, Партијата на слободата (ФПО) Хајнц-Кристијан Штрахе, по изјавата на британскиот премиер Дејвид Камерон, предложи и Австрија да одржи референдум за напуштање на ЕУ.
Штрахе нагласи дека Камерон со најавениот реферндум создаде јасна ситуација. Истовремено, тој не ја исклучува можноста Австрија да излезе од ЕУ.
Ако ЕУ се развива во централистичка супер држава, тогаш како последица Австрија ќе излезе од унијата. Тогаш повеќе би сакал сојуз со Швајцарија, порача лидерот на партијата, која според истражувањето на јавното мислење е на второ место според популарноста кај луѓето.