Шпекулациите се покажаа како точни. Сега и официјално откажани се сите европски кошаркарски натпревари.
На оваа одлука на челните лица на Евролигата не се чекаше долго, откако повеќе тимови веќе ги одложија своите натпревари, поради претпазливост од ширењето на коронавирусот.
„Затоа што шампионатите не можат да се играат според планот, и заради безбедноста на навивачите и кошаркарите, донесовме одлука да ги суспендираме сите натпревари од Еврокупот, Евролигата и јуниорската Евролига на неодредено време“, гласи соопштението од Евролигата.
На ваков чекор претходно се реши и ФИБА, која ги одложи сите натпревари под нејзино покровителство, a од утре нема да се игра ниту во НБА лигата, откако кошаркарот на Јута, Руди Гобер е позитивен на епидемијата коронавирус.