Синоќа, по наредба на судија на претходна постапка направен е претрес во Тетово во домот на Иџет Мемети членот на советот на обвинители и претрес во службените простории на советот на јавни обвинители.
Сомнежот е дека истиoт заедно со осомничениот судија Наке Горгиев имал влијание злоупотребувајќи ја позицијата член на Советот на јавни обвинители во случајот барање на мито за олеснителни околности за екс градоначалникот Боро Стојчев кој е во притвор.
Иџет Мемети важи за близок до ДУИ, a во два мандати беше и Народен правобранител.
Тој е и поранешен министер за правда, уставен судија, државен советник во Владата и член на Државната изборна комисија.
Некои медиуми објавија и дека Иџет Мемети е приведен.