Илија Димовски, член на Анкетната комисија од ВМРО-ДПМНЕ по прес-конференцијата на Љубомир Фрчкоски, го соопшти ставот дека работата на Комисијата не е проблематизирана со оставката на Давитковски.
-Можеме да продолжиме со работа и без претседателот Борче Давитковски, со четирите члена на Комисијата, изјави Димовски.
Димовски додаде дека синоќа, по најавата за оставка на Давитковски, премиерот Груевски и лидерот на СДСМ имале телефонски разговор и како лица за контакт кои би се ангажирале да ја договарат работата на Комисијата -биле назначени Љубомир Фрчкоски и Илија Димовски.
За разлика од него ставот на професорот Љубомир Фрчкоски, член на комисјата од СДСМ е дека „со депонирање на оставката на претседателот Давитковски, Експертската комисија запира со работа“.
„Постои отсуство на политичка волја да се погледне во очигледното, односно комисијата да расправа за уставноста на постапката при отстранувањето на пратениците и новинарите од собранието“, истакна Фрчкоски.