Close Menu

Илина Арсова избрана за „Европска жена на годината“

0
By on ВЕСТИ, ПОЛИТИКА

Делегацијата на Европската Унија во Скопје ја прогласи македонската ликовна уметница и планинарка, Илина Арсова за „Европска жена на годината“. 

Илина е планинарка, активистка за заштита на животната средина и уметница. Прва и единствена жена од Македонија која го освоила Монт Еверест висок 8848m и втора на Балканот која ги освоила највисоките врвови на сите 7 континенти. Истовремено се вбројува меѓу 70-те луѓе од целиот свет кои го совладале овој глобален екстремен планинарски предизвик.

Арсова е ревносна борка за заштита на животната средина на Охрид и Охридското Езеро, посветена на зачувување на UNESCO статусот на нејзиниот роден крај. Се има претставено на 15 соло и 50 групни настани посветени на животната средина и проблемите во модерното општество.

Како основач и поддржувач на национални и меѓународни движења и организации – TAKT, “Girl’s ride in Iran ”, The KOH I NOOR Project, Женска планинарска школа, Mountain Women, Школо за жени планинарски водичи – Илина е особено посветена на јакнењето на жените и девојчињата преку спортот.

Активно го користи спортот и како алатка за градење самодоверба и отпорност помеѓу младите луѓе преку директен контакт со 1850 деца од Скопје, Охрид, Преспа и преку-граничниот регион. Како волонтер во бегалски кампови во Грција, Илина заедно со “Climb Aid” и “Vasilika Moon” ги има претставувано качувачките спортови на бегалците.

Илина е авторка е на 2 книги и на краток документарен филм “This is Herstory” (2018) за инспиративни атлетичарки од Балканот кој е прикажан на 20-ина меѓунардни филмски фестивали и има освоено 4 меѓународни награди.

Иницијативата за доделување на наградата „Европска жена на годината“ во себе ја вклучува битната порака дека жената е клучен двигател на општествените процеси во сите сегменти, изјави првата дама Елизабета  Ѓоргиевска.
Според неа, биографиите и професионалните патеки на петте номинирани силни и посветени жени покажуваат дека токму жената е таа која ги поместува кон извонредност професионалните граници и влијае врз развојниот и еманципирачки општествен капитал.
– Честитки до Илина Арсова, добитничка на наградата! Верувам дека нејзиниот пат кон успехот ќе биде мотив сите заедно да продолжиме да го впишуваме сопствениот ракопис и да ги засилуваме аргументите за тоа дека сме различни но еднакви, додаде Ѓоргиевска.

Арсова беше претставена од германската амбасадорка, Анке Холштајн, а сосвен неа, во изборот учествуваа и докторката Маја Мојсова-Мијовска – претставена од амбасадорката на Хрватска, Нивес Тигањ; претприемачката Наталија Бургиева – претставена од амбасадорот на Европска Унија, Дејвид Гир; режисерката Дина Дума – претставена од амбасадорката на Шведска, Кристин Форсгрен Бенгтсон; директорката на Националната галерија Дита Старова Ќерими – претставена од амбасадорката на Романија, Моника Аксинте.

 

Share.