Загадувањето на воздухот е еден од клучните проблеми кои ги мачат граѓаните, а во последните денови се актуелизира заради високото ниво на загаденост со ПМ10 честички во Скопје, Куманово и Тетово. Граѓаните се жалата дека воздухот во Скопје во вечерните часови има мирис на хемикалија и предизвикува печење на грлото и кашлање.
Скопје вчера се најде на петтото место на градови со најзагаден воздух, со 158 микрограми на кубен метар од ситните ПМ 10 честички, а во претходнииот ден полека почна да го зазема приматот и беше на десеттото место. Во целиот град вчеранаутро беше регистрирано загадување на воздухот над дозволената граница од 50 микрограми на кубен метар.
Премиерот Заев вели дека не може за две или три години да се постигне успех, но дека се превземаат конкретни мерки. Тој посочи дека се инвестира во начинот за греење во јавните инстутуции, во болници, градинки, во субвенции со инвентори, а најави дека следните вложувања ќе бидат во јавниот превоз, како и мониторинг во индустријата бидејќи анализите покажале дека 57 посто загадувањето е предизвикано од затоплувањето, а 28 посто од возилата и индустријата.
„Министерот за животна средина на денешната и утрешната седница на Влада најави иницијатива каде ќе бидат вклучени сите инспекциски органи, полицијата и сите други служби за да го монитирорираат јавниот простор, имаме непотребно палење на срништа, непочитување на законски норми, секој слободен ресурс ќе го реалоцираме. Го правиме тоа што цел свет го прави. Почитувањето на А и Б интегрираните дозволи е важно исто како јакнење на јавната свест на сите граѓани“, рече премиерот Заев.
Една од мерките е замена на мазутот со други еколошки енергенси што требаше да се направи во кумановска болница, во Затворот Ирдизово, во болницата за гинекологија во Чаир.
„Заврши постапката за гасификација во болницата во Чаир, договорот е веќе вклучен, градежните работи ќе почнат наскоро. Во кумановската болница имаше готов проект, но поради работата со ургентниот центар се прологира, тој е при крај и кога технички ќе се среди ќе ја почнеме постапка“, изјави министерот за здравство Венко Филипче.
Вкупно 17 здравствени установи во државата користат мазут или та го прават комбинирано со нафта .
На ваков начин се греат Клиничките болници во Тетово и Битола, Психијатриските болници во Скопје, Демир Хисар и Негорци, Специјалната болница за белодробни заболувања-Јасеново, специјалната болница за ортопедија „Св. Еразмо“ во Охрид, како и Геронтолошкиот завод „13 ноември“во Ѓорче Петров“. Очигледно, здравствените установи каде што треба да лекувааат, всушност предизвикуваат тешки последици по здравјето на луѓето.
Покрај болниците и касарните во Штип, Велес, Кичево, Тетово, Прилеп и Петровец се загреваат на мазут.