Повеќе од пола милион Ирци учествуваат на традиционалната парада по повод најголемиот празник во земјата, св.Патрик.
Најголема е парадата во Даблин каде што се очекуваат околу 400.000 луѓе а која започна денеска во попладневните часови, пренесувана директно на ирската телевизија РТЕ.
За очекување се и големи паради во Лимерик, Корк и Галвеј. Според пресметките, околу 140.000 туристи допатувале во Ирска за време на викендот, пишува ирскиот „Индепендент“.
Освен во татковината, ирскиот светец се слави во целиот свет. Најголемата и најстара парада надвор од Ирска традиционално се одржува во Менхетен, Њујорк. На неа годинава ќе присуствува и ирскиот премиер Енда Кени, но не и најголемиот ирски спонзор, пиварата Гинис, која одлучи да се повлече бидејќи на парадата е забрането истакнување на ЛГБТ пораки.
Во соработка со ирската туристичка заедница, стотици занемнитости ширум светот денеска се осветлени со зелена боја. Помеѓу нив, и Кинескиот ѕид како и античка Петра во Јордан.
