Исчезнаа двајца новинари во Сирија, на француското радио Европа 1. Претставниците на радиото велат дека веќе 24 часа загубиле секаква врска со двајцата свои новинари, кои билe на пат за сирискиот град Алепо.
Се рабори за сениор репортерот кој ги следи кризните региони, Дидие Франсоа, и фоторепортерот Едуар Елиас.
Радиото е во постојана врска со француските власти, кои велат дека прават се што е во нивна моќ за да ги пронајдат новинарите.
Претходно претседателот Франсоа Оланд побара итно ослободување на двајцата француски новинари, кои исчезнаа во Сирија:
– Инсистирам тие новинари да бидат итно ослободени, бидејќи не претставуваат ниту една држава. Тие работеа за да може да испраќаат информации во светот. Загубивме врска со нив, но не знаеме точно што се случило, рече Оланд на прес-конференција во Токио со јапонскиот премиер Шинѕо Абе.