Џихадистите на Исламската држава ги продаваат киднапираните деца од Ирак на пазарот на трговијата со луѓе, а дел од нив и убиваат преку палење или распнување, соопштија неодамна активистите на Обединетите нации, а пренесе Ројтерс.
Ирачките момчиња под 18 години се употребуваат како бомбаши-самоубијци, како курири или како жив штит, како терористите би се заштитиле од воздушните напади на САД и Меѓународната коалиција, соопшти Комитетот за правата на децата при ОН.
– Длабоко сме загрижени за тортурата и убиствата на тие деца, особено они кои доаѓаат од малцинствата, но не само за нив, објаснува експертката при Комитетот, Ренат Винтер, која напомена дека се работи за огромен проблем.
Според неа, децата од сектата Јазиди или оние од христијанските заедници, како и деца од Шиитите и Сунитите, сите биле жртви на теророт на ИСИС.
– Имаме пријави за деца кои се употребуваат како бомбаши-самоубијци, најчесто без самите да разбираат што им се случува, вели Винтер за Ројтерс. „Имаше видео на Интернет каде што децата на многу мала возраст, околу 8 години па и помлади, се обучуваат како да станат војници“.
Исламската држава е терористичка организација која произлезе од Ал Каеда, и прогласи калифат во делови од Сирија и Ирак минатото лето. До сега има обезглавено, запалено или егзекутирано на најразличен начин стотици илјади луѓе.
Во вторникот Исламската држава објави видео на кое жив го запали во кафез, јорданскиот пилот за кој бараа замена со терористка осудена на доживотен затвор во Јордан. Претходно објавија видео од две обезглавувања на јапонски заложници.
Телото на Обединетите нации кое ја набљудува состојбата, го осуди систематското убивање на момчиња од различни религии.
Според нив, Исламската држава или како што е позната ИСИС, често извршува и сексуална злоупотреба врз киднапираните деца.
Експертите кои работеа на извештајот кој го објави ОН, 18 на број, ги повика властите во Ирак да ги преземат сите неопходни мерки како би ги спасиле децата кои се во рацете на џихадистите од ИД, и да им се суди на одговорните.