Исказот на второосомничениот во „Рекет“, Зоран Милески – Кичеец, бил понуден на одбраната на Бојан Јовановски – Боки 13 за пари, се дознава од извори во истрагата.
Понудата била дадена во телефонски разговор кој се случил изминатите денови во попладневните часови, кога непознато машко лице за пари го понудил тајниот записник. Понудата била експресно одбиена.
Случајот е пријавен кај обвинителката Вилма Русковска која го води предметот.
Според истиот извор , се очекува Обвинителството да спроведе внатрешна истрага за тоа како протекол исказот, а ќе се проверуваат и снимки од безбедносните камери во последните дваесетина дена.
Претходно ,,протекоа,, исказите на Орце Камчев и уште еден сведок кој бил сослушан во врска со предметот Рекет.
Инаку, при увидот во доказите откако заврши истрагата за „Рекет“, на одбраната на Бојан Јовановски и Катица Јанева, не им беше даден исказот на Кичеец за да направат увид.
Во овој случај, само Кичеец има дадено исказ, додека Боки 13 и Катица Јанева, тоа ќе го направат откако ќе направат увид во доказите.
Зоки Милевски – Кичеец десет дена е во домашен притвор откако Кривичниот совет му го замени затворскиот со куќен.