Во серијата терористички напади во Европа оваа седмица може да се додаде и нападот со нож во рускиот град Сургут.
Во саботата еден човек со нож ги нападна минувачите и повреди седум лица. Руската полиција изјави дека не станува збор за тероризам и истражниот руски комитет отвори истрага за “обид за убиство”. Но подоцна терористичката организација Исламска држава презеде одговорност за нападот велејќи дека нападот го извршил еден од “воините на ИД”.
Руската истрага не реагираше официјално на оваа објава на ИД. Но, истрагата за нападот беше префрлена на повисоко централно ниво и сега истрагата ќе се води во Москва а не повеќе во Сибир каде што е сместен градот Сургут. Град што се наоѓа на 2.100 км од Москва и има 330.000 жители. Според истрагата, Москва ќе го води случајот “поради реакцијата на јавноста”, соопшти денес Александар Бастрикин, директор на комитетот за истрага.
Извршен е претрес во домот на напаѓачот за да се утврдат околностите и “мотивите на напаѓачот” кој е роден во 1998 година, вели соопштението.
Седуммината повредени се се уште во болница а еден од нив е потешко ранет.
Овој напад во Сургур се случи утредента по нападот со нож во Финска кога беа убиени две лица. И утредента по нападите во Барселона каде 14 лица го загубија животот а над 120 беа ранети.