Феноменот на присвoјувањето на јавниот простор за изградба на сурогат споменици не се случува само во Турција туку се шири како спирала и во други делови на Европа.
Ова е констатацијата на новинарот Фергус О Саливен од Лондон во текстот насловен „Пазете се – Псевдо историското модернизирање налудничаво се шири низ Европа“ објавен на „The Atlantic cities“, во кој пишува за враќањето на минатото во Турција, Македонија но и во Германија.
Во текстот О Саливен посочува неколку примери на рекомпонирањето на историјата низ новите градби во Скопје.
-Минатата недела демонстрантите во Скопје, главниот град на поранешната југословенска Република Македонија, формираа човечки синџир околу Tрговскиот центар од 1970 година, борејќи се против плановите да се преоблече во неокласичен стил со колонади и куполи и покрив украсен со статуи.
– Грандиозниото, кич и скапо ремонтирање е само еден дел од големит план за обнова и преградување на центарот на Скопје. Низ центарот, бетонот од комунизмот се заменува со псевдо-класични градби, триумфални арки и монументални столбови кои личат на каша од компјутерски генерирани имагинации во заднината на серијата „Игра на престолите“ или филмот „300“.
– Не би било фер, да се идентификуваат Германија, Македонија и Турција премногу тесно, само поради тоа што сите во моментот градат имитации на стари стилови. Но, негативните реакции против овие проекти покажуваат дека не може повеќе историските реконструкции да се гледаат како алтернатива на современиот повторен развој.
Глупавите, нападни или енормно скапи градежни проекти созадаваат раздор, покриен или не со мермер, пишува авторот.