Кандидатот за претседател на ВМРО ДПМНЕ, Ѓорѓе Иванов денеска ја посети општина Кисела Вода, при што се сретна со жителите на населбата Драчево, селото Драчево и населбата Кисела Вода.
На средбите со граѓаните од општина Кисела Вода, Иванов им се заблагодарил за поддршката во првиот круг од претседателските избори и повикал на масовна излезност во вториот круг, информираат од ВМРО ДПМНЕ.
Пред жителите на општина Кисела Вода, тој ги претставил своите програмски цели, меѓу кои Македонија како економски силна и развиена држава, која обезбедува иднина за младите и можност за работа.
Жителите на општина Кисела Вода ја изразиле својата поддршка на политиките на Ѓорѓе Иванов и му посакале успех на престојниот втор круг од претседателските избори.
Во рамки на посетата на Драчево, претседателскиот кандидат на ВМРО ДПМНЕ го посетил локалниот пазар, како и Споменикот на бранителите.
фотографиите се во сопственост на ВМРО ДПМНЕ