„Со чест и задоволство сакам да изјавам дека донесов одлука да ја прифатам иницијативата за мое кандидирање за претседател на РМ и дека ќе ја поднесам мојата кандидатура на конвенцијата на ВМРО – ДПМНЕ за избор на кандидат за претседател на Македонија“, изјави пред малку претседателот Ѓорге Иванов.
Иванов во своето обраќање пред јавноста изрази уверување дека заедно со сите граѓани на Македонија без разлика на верските и национални определби ќе носи мудри одлуки како што тоа го правел и до сега.
„Во текот на целиот изминат период врвната цел беше одговорно чесно и посветено да работам за интересите на македонските граѓани, рече Иванов, во таа реализација работев посветено фокусиран на заедничките вредности во кои веруваме и работиме“.
Тој напомена дека во својот мандат секогаш бил близок со народот и покрај тоа што некои гледале со иронија и потсмев на таа блискост.