Претседателот Ѓорге Иванов во текот на оваа недела ќе го прими претседателот на Комисијата за настаните од 24 декември во Собранието проф. Борче Давитковски, кој поднесе оставка.
Откако во петокот Давитковски беше вратен од претседателскиот кабинет со образложние дека претседателот не може да го прими, бидејќи е отсутен, на средбата неделава тој на Иванов се очекува да му ја образложи оставката од претседателското место на Комисијата.
Еве што изјави тогаш Давитковски.
>> Давитковски: Комисијата ја урна македонскиот инает
>> Груевски: Се врати сеништето и Комисијата запре со работа
Иако беше иницирана средба на членовите на Комисијата за таа да продолжи со работа од страна на ВМРО-ДПМНЕ уште во текот на минатата недела, таа не се случи. Денеска уште еднаш членовите предложени од владејачката партија побараа од нивните колеги во Комисијата да се сретнат, но СДСМ тоа го одби со барање Иванов што поскоро да го разреши статусот на Давитковски.