Со тврдењето дека земјата е во криза, започна говорот на претседателот на „Демократска Бугарија“, Христо Иванов за време на првото заседание на новиот бугарски парламент, пренесуваат дел од медиумите.
-Бугарија е во криза. Најочигледен пример за овој факт е дека немаме полноправно нормално раководство повеќе од една година. Немаме Влада што ужива доверба и која има парламентарна поддршка. Немаме јасна формула како да ја формираме следната влада, рече Иванов. Тој се осврна и на приоритетите на надворешен план.
-Бугарија мора да ја заштитува вистината, но исто така треба да изнајдеме и решение со кое ќе се откочи процесот за евроинтеграциите на Република Северна Македонија. Наш стратешки интерес е соседите да се членки на ЕУ, додаде Иванов.
Тој исто кажа дека Бугарија е исправена пред голем број предизвици, како подговтовката за претстојниот нов бран на коронавирусот, а на второ место е реализација на Планот за развој и одржливост.
-Во исто време, мора да гарантираме дека парите нема да бидат украдени, туку ќе бидат инвестирани во вистинска модернизација на земјата, во човечки капитал, заклучи Иванов.