„Преку 60 дена блокиравме улици, раскрсници, организиравме „граѓански парламенти“, маршеви, протести и митинзи.
Единствено цврстите ветувања и уверувања на Никола Груевски до меѓународната заедница, дека до јуни ќе стори се за да го реши спорот со името, се основата заради која предвремените парламентарни избори ќе се договорат до 1-ви септември“, истакна денеска на прес-конференција Игор Ивановски, шеф на изборен штаб.
Според Ивановски, на овие избори, гласот на секој граѓанин има двојна вредност.
Граѓаните ќе гласаат еднаш, но ќе одлучуваат два пати, и за промената на локалната, но всушност и за побрза промена на режимот на Груевски.
„Покрај неговиот избор за локалните претставници, градоначалници и советници, народот ќе има можност со својот глас да покаже дека не се согласува со насилието на оваа власт, ќе има можност да покаже дека овој режим нема поддршка за своето однесување и на крајот ќе има можност со својот глас да ја делегитимира оваа власт“, истакна Ивановски.