Европскиот пратеник од редовите на либералите Иво Вајгл потврди дека тој и неговите колеги, Ричард Ховит од групата на социјалистите и Едвард Кукан од демохристијанската политичка група, ќе се ангажираат да им помогнат на македонските најголеми партии да седнат на маса и да почнат да разговараат.
Сепак, тој вели дека нивната улога би била таа на олеснувачи а не на медијатори: “Медијатор значи дека ние би дале предлог а тоа не е нашата улога. Ние можеме да бидеме олеснувачи за да се разговара, затоа што решението треба да го најдат самите политички партии”, вели тој.
Ова го потврди и Европската комисија. Нејзин портпарол изјави денес денес дека «политичката обврска останува на партиите во Македонија да покажат одговорност и да се вклучат во конструктивен дијалог за надминување на сегашниот ќорсокак и да се фокусираат на стратешките приоритети на земјата и сите нејзини граѓани».
Вајгл вели дека постојат два дела во македонската криза. Од една страна е политичкиот дијалог каде што ЕП би можел и спремен е да помогне. Од друга страна тука е и истрагата за случаите со кои се соочува Македонија и која во која треба да се добие помош на експерти за правни прашања.
«Политичката криза треба да се решава одвоено од проблемите кои се однесуваат на правната разврска», вели тој.
Инаку, Вајгл денес се сретна со Фатмир Бесими, задолжен за европски прашања во македонската влада, кој смета дека европската интеграција на Македонија е најважното прашање за иднината на земјата и сака национален план за решавање на сегашната политичка криза.
“Бесими е политичар кој смета дека ЕУ е позначајна за Македонија од било кое прашање.Тој искрено сака да се реши оваа политичка криза и да се направи национален план во кој се ќе обединат интересите на сите политички партии”, вели за НОВА Вајгл кој е известувач за Македонија во ЕП.
Извор на НОВА денес изјави дека двете најголеми политички партии – ВМРО-ДПМНЕ и СДСМ добиле покана да почнат политички дијалог во седиштето на ЕП во Брисел.