Не сме расположени да има предвремени избори иако состојбата на теренот е поволна за ВМРО-ДПМНЕ, изјави премиерот Никола Груевски.
„Сепак, оставаме можност тоа да се случи доколку сме принудени со некаков нов момент“, рече Груевски по денешната средба со партнерите од коaлицијата „За подобра Македонија“.
„Ние би имале победа во случај на предвремени избори. Наше размислување е дека ние би требало да се фокусираме на реализација на програмата која веќе ја реализираме и треба да продолжиме со тоа и не посакуваме да има предвремени избори, рече премиерот.
За разлика од премиерот новиот лидер на опозиционата СДСМ Зоран Заев, вчера од Штип порача дека Социјалдемократскиот сојуз на Македонија е подготвен за предвремени парламентарни избори, но само доколку се вградат препораките на ОБСЕ и ОДИХР.
Според него, теоретски не е можно предвремени парламентарни избори да има во септември, бидејќи е поминат рокот за нивно распишување, но, како што рече, доколку парламентарното мнозинството одлучи да се случат тие се подготвени како политичка партија да излезат на избори.