ИЗБОРНА КАМПАЊА: Преглед на денот
Денешниот ден од изборната кампања мина во знакот на нови препукувања меѓу партиите и кандидатите за градоначалници. Оние кои испаднаа од трката во првиот круг денеска се изјаснија и за тоа кон кого ќе ги пренасочат своите гласачи.
ДОМ ќе го поддржи кандидатот за градоначалник на општина Центар од ВМРО-ДПМНЕ и коалицијата „За подобра Македонија“ Владимир Тодоровиќ во вторио изборен круг, изјави денеска претседателката на партијата Лилјана Поповска.
Демократскиот сојуз на власите пак соопшти дека останува во „ Сојузот за иднината“,и ги подржува кандидатите за градоначалници на опозицискиот фронт.
Коста Костов, на заедничка прес конференција со кандидатот за градоначалник на Центар, Андреј Жерновски апелираше до членовите на Демократскиот сојуз и до сите Власи масовно да излезат во вториот круг на избори и да го дадат својот глас за кандидатите на „Сојузот за иднината“.
Независниот кандидат за градоначалник на Кавадарци, Панчо Минов, кој во првиот изборен круг освои околу 5.000 гласови, на прес конференција се изјасни дека во недела на 7 ми април ќе гласал за кандидатот на опозицијата Бетиан Китев
Во Општина Центар денска пукна нов скандал за гласачи од Пустец.
Пет лица од Пустец се сместени во станот на семејството на носителот на советничката листа на ВМРО-ДПМНЕ и претседател на градската партиска организација, соопшти кандидатот за градоначалник на Центар од Сојузот за иднината Андреј Жерновски.
Жерновски потсети дека ова е дело кое не застарува и дека еден ден некој ќе одговара . Побарал и средба со министерката за внатрешни работи Гордана Јанкуловска, но бил одбиен.
Од МВР соопштија дека согласно законот единствено надлежна институција за ажурирање на Избирачкиот список е Државната изборна комисија и дека таму го упатиле и Жерновски.
Кандидатот за градоначалик на Скопје, Јани Макрадули го обивни неговиот противник дека врши притисок врз администрацијата.
Ако е толку успешен зошто уценува со работа и бара 10 сигурни гласачи од секој вработен примен во јавните претпријатија во последните 2 години? праша Јани Макрадули.
Јани Макрадули се обидува да не ги види новите булевари, улици и инфраструктурни проекти, кои беа завршени во мандатот на Коце Трајановски и го одвлекува вниманието од делата на градоначаликот Трајановски ,реагираат од ВМРО-ДПМНЕ на изјавата на Јани Макрадули,
Предмет на расправа меѓу ривалските партии денска беше и одлуката на Управиот суд со која се потврди ставот на ДИК дека во Струмица ќе има прегласување на три избирачки места. СДСМ обвини за партизација на судството а ВМРО ДПМНЕ возврати со став дека СДСМ бара алиби за изборниот пораз