Централниот комитет на ВМРО-ДПМНЕ на денешната редовна седница го избра новиот состав на Извршниот комитет на партијата. Нов генерален секретар е Емил Димитриев, а членови на новиот состав на Извршниот комитет на ВМРО-ДПМНЕ се: Љупчо Трпевски, Благоја Деспотовски Ташко, Никола Бакрачевски, Зоран Илиовски, Никола Поповски, Кирил Божиновски, Мартин Протоѓер, Зоран Ставревски, Гордана Јанкуловска, Владимир Пешевски, Силвана Бонева, Илија Димовски, Антонио Милошовски, Никола Тодоров, Сашо Мијалков, Владимир Ѓорчев, Коце Трајановски, Зоран Горгиевски, Ашим Зекировски и Момчило Аврамовски.
Во претходните две години функцијата генерален секретар на партијата ја извршуваше Кирил Божиновски, кој во 2011 беше именуван и за генерален секретар на Владата.
Во овој состав ги нема Диме Спасов, актуелниот министер за труд и социјална политика , пратеникот Александаер Николовски и градоначалникот на Прилеп Марјан Ристески, а нови во комитетот се охридскиот градоначалникот Никола Бакрачески, министерот за надворешни работи Никола Поповски, како и лидерот на ВМРО ДПМНЕ во Битола Зоран Илиовски.
Целта на оваа одлука на Централниот комитет на ВМРО-ДПМНЕ, а донесена по предлог на претседателот на партијата Никола Груевски, е континуирано освежување и носење на нов кадровски потенцијал кој ќе овозможи додатна енергија за работа и напредок, се вели во соопштението од партијата.