Првата самостојна изложба на икони од Елена Кичевска, наречена „Heritage“ ќе биде отворена денеска во 20.30 часот во Националната галерија „Куршумли Ан“ во Скопје.
Девет икони изработени во различни техники (темпера, акрил, дрво) и четириесет парчиња уникатен рачно изработен накит и предмети инспирирани од Византискиот период ќе бидат дел од поставката.
Кичевска живее и работи во Скопје. Средното образование го минува во Училиштето за применета уметност „Лазар Личеновски“, а потоа завршува политички науки во Скопје.
Последните 13 години работи на проекти финансирани од Европската Унија. Со сликање на икони се занимава од 2001 година.
